មជ្ឈមណ្ឌលសិក្សានិងអភិវឌ្ឍន៍ កសិកម្មកម្ពុជា ហៅកាត់ថា សេដាក នឹងរៀបចំធ្វើសមាជដ៏ធំមួយ នៅថ្ងៃច័ន្ទស្អែកនេះ
ភ្នំពេញ៖ ដើម្បីបោះឆ្នោតជ្រើសរើសប្រធានថ្មី ខណៈដែល លោក យ៉ង សាំងកុមារ ដែលកាន់តួនាទីនេះ អស់រយៈពេល ១៨ឆ្នាំមកនោះ បានប្រកាសមិនបន្តឈរឈ្មោះ ធ្វើជាប្រធានជាថ្មី។
លោក យ៉ង សាំងកុមារ ដែលគេដឹងថា នឹងទៅចូលរួមធ្វើនយោបាយ ជាមួយនឹងគណបក្សប្រជាធិបតេយ្យ មូលដ្ឋាន របស់លោក យ៉េង វីរៈ, លោក សាម អ៊ីន និងលោក សាន ស៊ុនឌឿន នៅពាក់កណ្តាល ឆ្នាំ២០១៦ ខាងមុខនេះ។ សមាជរបស់អង្គការសេដាក នឹងរៀបចំធ្វើឡើងនៅឯមជ្ឈមណ្ឌល សហប្រតិបត្តិការ កម្ពុជា-ជប៉ុន (CJCC) ដោយមានការចូលរួមពីបុគ្គលិក និងកសិករប្រមាណជា ១០០នាក់៕
